Eran as sagas unha cantiga á heroicidade de grandes guerreiros viquingos fortes e valentes, que abandonaban as súas terras ermas e estragadas polo clima nórdico e partían nos seus drakar para conquistar outros pobos na procura de alimentos e tesouros.
Non é o caso da Saga de Flin Havardr…
Un pastor que albisca nun soño as súas proezas como guerreiro e que, xa na realidade, leva a cabo unha viaxe inesperada acompañado por unha tripulación moi particular que nada ten de forte nin de valente, aínda que abonda en creatividade.
Conseguirán chegar a unha terra fértil e fermosa á conta da morriña dun dos seus tripulantes.
Unha obra de autoría propia representada por marionetas de fíos con música en directo.
Autoría propia
- Dramaturxia:
- Ero Vázquez Cabrera
- DIRECCIÓN:
- Isabel Rey Pousada
- Marcelino de Santiago “Kukas”
- Aos fíos
- Isa G. Coldeira
- Ero Vázquez Cabrera
- Ura Vázquez García
- música:
- Pablo Pintor
